استطرادات

#سؤال_و_جواب

يعني شنو واقي شمس ملون Tinted ؟

الواقي الملون هو واقي فيزيائي أساسو أكسيد زنك/تيتانيوم ومعاهم صبغات الحديد (Iron Oxides). ودي ما بتدي لون مغطي للتصبغات بس، بل هي البتشتّت الضوء المرئي (Visible Light)، وهو من الأسباب البتخلي الكلف (Melasma) وخطوط الترسيم (Pigmentary Demarcation Lines) تظهر وتزيد مع الزمن، لأنها بتقلل من كمية الضوء اللي بصل للخلايا الصبغية فبتخفف كده التهيّج والتصبّغ اللي بجي مع التعرض للشمس.

كيف نتأكد إنو الواقي فيهو كمية كويسة من Iron Oxides؟

أول حاجة، شوفوا قائمة المكونات: لو لقيت Iron Oxides / CI 77491 / 77492 / 77499 موجودة في نص اللستة فده يعني انو فيها كمية ذات معنى. تاني حاجة، لو اللون واضح وبعمل زي طبقة خفيفة من الفاونديشن، فده غالباً معناه تركيز حقيقي من الصبغة ما بس لمعة خفيفة. وأحياناً برضو بتلقى في العبوة إشارات زي Visible Light / HEV / Pigment Protection، ودي كلها إشارات إنو التركيبة ما قاعدة بس تستهدف الأشعة فوق البنفسجية، لكن كمان الضوء المرئي.

أمثلة منتجات متوفرة في الخليج وممكن تلقاها برضو في الصيدليات الكبيرة:

• Bioderma Photoderm M Tinted

• La Roche-Posay Anthelios Tinted (Mineral/Color)

• ISDIN FotoUltra Tinted

• Eucerin Sun Pigment Control Tinted

أخيرا برضو انتبهوا لأثر الضغوط الحرارية وتأثير الأشعة تحت الحمراء (Infra-Red)، لأنها حاجة مفروض نقلل منها قدر الإمكان بطريقة غير مباشرة: البس قبعة واسعة الحواف، استخدم نظارة شمسية، وابقى في الظل قدر الإمكان.

برضو في روتينك اليومي، دخلوا مواد مضادة للأكسدة عشان خلايا الجلد تتعامل مع الإجهاد الإشعاعي الحراري، زي سيرمات فيها فيتامين C، فيتامين E، النياسيناميد، حمض الفيروليك، ومستخلص الشاي الأخضر، دي بتتخت في الروتين الصباحي تحت الواقي الملون أو في المساء.

#عيادات_بيت_العافية

#عيادة_الجلدية_أون_لاين