الختام
بعد السلسلة دي كلها، ياريت أهم سؤال ما يكون: المرض دا اسمو شنو؟
بل: متين نقول إنو الطفح دا ما ماشي في طريق الإكزيما العادية؟
لأن الإكزيما، رغم إنها شائعة جداً، عندها سلوك معروف في كثير من الأحيان، فبتتحسن بدرجات متفاوتة مع الترطيب والعلاج المناسب، وتجيها فترات هدوء وفترات نشاط، وغالباً عندها سياق مفهوم.
لكن المشكلة تبدأ لما يجيك طفح يرفض يمشي في السكة دي، يهدأ شوية ثم يرجع، أو يظل ثابت في نفس المكان شهور وسنين، أو يتغير ببطء من غير ما يختفي تماماً، هنا الجلد بيكون كأنه بقول لينا: القصة دي محتاجة نفكر فيها مرة تانية.
في اللحظة دي، الخزعة الجلدية ما معناها إنو نحن شاكين في الأسوأ مباشرة، وإنما إننا محتاجين نشوف الحقيقة تحت المجهر بدل ما نظل نحاور الجلد من الخارج فقط، ففي مرات كثيرة الخزعة بتطمننا وتأكد إنو الموضوع فعلاً التهاب جلدي مزمن.
لكن قيمتها الحقيقية إنها تمنعنا من إضاعة الوقت لو كان السبب حاجه تانية: فطريات متنكرة، جرب متخفي، طفح دوائي، مرض مناعي، أو حتى ورم جلدي في بدايته.
وده هو لب الرسالة في السلسلة كلها: انتبه دوما لسؤال صغير، لكنو مرات بغير كل شيء:
هل فعلاً دي إكزيما؟
#عيادات_بيت_العافية
#عيادة_الجلدية_أون_لاين