الليلة عملت بنجاح أول استشارتين اون لاين في العيادة 😁 الحمد لله كانت تجربة سمحة ومرضية
بمراجعتي للصور والشكوى قبل المقابلة بكون فكرة كويسه عن المرض وبحضر المواد الايضاحية من صور بشيرها في أثناء مكالمة الزوم لحسن الشرح
في الأول بدي المريض راحتو في إنو يحكي من جديد كل المقلق بيهو لحدي ما يكتفي تماما، بعدها ببدأ أشرح ليهو المرض والعوامل البتسببه وطرق الوقاية وخطة العلاج والتوقعات إلخ وفي الآخر بديهو مساحة لأي أسئلة متولدة من كلامي
بعد نهاية المكالمة بكتب الروشتة واعمل ليها scan بحيث تتحول لي pdf يترسل لإيميل المريض عشان يقدر يصرف الروشتة من أي مكان ولو في أي تعليمات بتترسل برضو مع الايميل
اطمأنيت للإستشارات عن بعد بتجربة اليوم وعندي حجوزات للأيام الجاية من مختلف بقاع الأرض 😁
ملحوظة:
تفاصيلها الحجز اون لاين وطريقته هنا
https://m.
⚕️ هذا المحتوى للتثقيف الصحي العام ولا يغني عن الاستشارة الطبية. لحالتك الخاصة يمكنك حجز استشارة بالعيادة.