اليومين ديل مرت علي ٣ حالات لحكة شديدة بدون طفح جلدي Pruritus لمرضي طالعين يدوب من إصابة شديدة بحمى الضنك Dengue fever
المشترك بينهم برضو انو الصفائح والدم الابيض ناقصات بشدة، وانهم اتعافوا من الأعراض الشديدة لحمى الضنك
الالتهابات الفيروسية الشديدة معروف عنها انها ممكن تتسبب بحكة شديدة (بتحمي النوم) لكنها عادة بتبدأ مع المرض، وفي حمى الضنك في أنواع من الطفح الجلدي بتظهر في غالب الاحوال
بقت لي الحكة الحالية دي زي اعراض ما بعد الكوفيد، كظاهرة خاصة بنوع الفيروس العندنا (المسبب لحمى الضنك)، ونظرت انو بتتكون غالبا immune complexes بتترسب في الجلد مسببه الحكاك الشديد
خط العلاج الاول هو مضادات الهستامين، لكن في حال فشلها، بفتكر ممكن نستفيد من تجربة الكوفيد في علاجها بالكورتيزول بالفم، لانو اظهر فعالية في السيطرة على اعراض ما بعد الكوفيد
ده موضوع شيق للبحث العلمي لكن للأسف في غياب توثيق تشخيص حمى الضنك ومعرفة نوع الفيروس subtype ومعرفة طفراتو، فمن سوء الحظ انو متطلبات الدراسة الوافية غير متوفرة
مركز ابن خلدون الطبي - بورتسودان
مواعيد العمل
من الساعة ٣ عصرا حتى ٨ مساء
تلفونات الحجز
0121759784
0992502360
0907980705
التسجيل حسب أسبقية الحضور