المتابعة في الأمراض الجلدية مهمة
اتبسطت أسي بمتابعة لمريضتي من زمن بورتسودان اللي اتشخصت بالوردية الحمراء Acne Rosacea * لأنو مرض نادر نسبيا بنوع بشرتنا ولانها اتعالجت كتير بإعتباره حب شباب عادي، بينما أكتر ما بنفع فيهو هو تعليمات الوقاية، لأنو بتشارك أدوية كتيرة مع حب الشباب
رغم سفري لكن قادر عبر تأسيسي للعيادة الأون لاين إني أعمل المتابعات المطلوبة (سواء بفترة الشهر المجانية أو بالمقابلات بالفيديو أو الصوت بعدها بمواعيد رسمية)
الزول بتعلم عبر المتابعة موش من الاستجابة الجيدة بس، بل من البطيئة أو عدم التحسن في انو يعدل الخطط العلاجية حسب الحالة، فالجسم البشري معقد وما في علاج واحد معياري لنفس المرض، بل بتختلف المداخل المفيدة من زول للتاني، ومرات بتوريك التطورات اللاحقة انو في احتمالات تانية خالص ما كانت في الحسبان أول الأمر
الدكتور الشاطر ما هو البعالج الكل بسرعه من أول مرة، بل اللي بتابع ويلاحظ للإستجابات المختلفة عشان يبني خبرته حول المناسب حسب كل زول، وما يخاف من انو ما يشوف التحسن السريع في كل مرة، ويدرك انو الواقع اكثر تعقيدا من الكتب والمراجع
العيادة الاون لاين عبر واتس اب الاستشارات 00249992502360 لتقييم الشكوى وقابليتها للعلاج عن بعد ثم تنسيق الحجوزات والمواعيد
* البوست عن الحالة