الصباح كنت في مشاوير مهمة جيت العيادة لقيت في أزمة قايمة 😬
عيان باكستاني مع زوجتو ما بعرف عربي ولا انجليزي وعامل النضافة الهندي اللي بترجم ليهم عادة ما قدر يفهم لغتو، فبقى التفاهم صعب جدا
فطوالي فتحت المحادثة الصوتية بتاعت ChatGPT وطلبت منو يترجم بين الانجليزي (لانو بلقطو أدق من العربي) وبين الأردو
وختيتو بين الطبيب والمريض، وبقى يسمع من واحد ويترجم للتاني بسلاسة وسرعة، العيان اتبسط خالص، واتأكدنا من دقة الترجمة بأن العيان يعيد تلخيص كلام الطبيب
في النهاية صورت الروشتة وخليتو يعمل ليها تفريغ نصي transcription الأول قبال أخليهو يترجمها للأردو ومشيت عملت مراجعة check ليها بجيمناي عشان أطمئن قبال أرسلها ليهو بالواتس
كانت تجربة جميلة، ونزلت لكل الدكاترة التطبيق عشان يستعملوهو في غياب المترجم البشري 😎
⚕️ هذا المحتوى للتثقيف الصحي العام ولا يغني عن الاستشارة الطبية. لحالتك الخاصة يمكنك حجز استشارة بالعيادة.