يوم في حياتي

يوم في حياتي

تلقى فريق السوشال ميديا منزل بوست عن السكر التراكمي مع صورة بال AI تقوم تشيل صورة للطبيب العام في عيادتو وتخلي Gemini Veo 3 يعمل ليك فديو قصير ترسلو ليهم فيفتكروك صورتو انت في عيادتو 😂

تلقى ناس المعمل بنقلوا في فحوصات المعمل المرجعي من ورقة مطبوعه لجدول ب Microsoft word, تقوم تخليهم يرسلوا ليك ال PDF رتخواو ليهم مباشرة بال OCR لجدول جاهز في ال word وتكتشف انو عايزين يعدلوا الأسعار فتحولو ل Excel file وتستعين ب Gemini live عشان يذكرك بالصوت وانت بتصور ليهو الشاشة مباشرة كيفية كتابة معادلة التغيير

تنزل الموجهات الحكومية من موقع وزارة الصحة وتدخل معاها الموجهات العالمية وتخلي طور ال agent بالذكاء الاصطناعي يصوغ ليك تقرير عن الفحوصات المطلوبة حسب الأدلة دي للأمراض المزمنة مع شرح ليها بالمصادر وتديهو للطبيب العام عشان يستهدى بيهو في الحالات الحيشوفها الليلة

تعمل Custom GPT وتغذيهو بكتب التاريخ المرضي والكشف مع مسار workflow يقدم المعلومات المطلوب جمعها للشكاوي العامة اللي مرت بالعيادة لمراجعة إكتمال السجلات ويعمل بالمرة appraisal للتشخيصات كطريقة مراجعة سريعه للأطباء بالعيادات تساعدهم في ال Clinical reflection

تعرف طابعه حرنت في عيادة، تدرب النيرس على حته في السستم، تتابع مع فريق الشركة تصليحات مطلوبة في وظائف النظام، وتصيغ التوقعات للميزانية حسب الداتا بتاعت الاسابيع الفاتت بالذكاء الاصطناعي، وأمور أخرى صغيرة كثيرة

دور مدير الحوكمة السريرية والمعلوماتية الطبية Clinical Governance & medical informatics manager مناسب جدا لشغفي بالتكنولوجيا والاحصاء والمنهجية الطبية 😁