أول ثمار طريقة الحوكمة الطبية والمعلوماتية اللي ماسك تطبيقها بالعيادات
لما عملنا عرض متابعه السكري (مقابلة الطبيب + فحوصات) بأسعار مخفضة؛ ما كان الأمر مجرد دعاية وتخفيض أسعار
بل عملت بحث مكثف بمنهجية الطب المبني على الأدلة عشان نحدث ونتتبع كل الطرق المعتمدة والمحدثة للمتابعه من حيث:
- عدد مرات المتابعه الموصى بها
- نقاط التاريخ المرضي والكشف السريري اللي مفروض تتغطى بالزيارة
- الفحوصات المطلوبة ومدى تكرارها
- التحويلات لتخصصات تانية (زي العيون) وبتين تتعمل
- التحديثات بطرق العلاج والتقييم
ثم بعدها عملت فورم template جاهزة للطبيب العام بالسستم، بتعكس كل النقاط الفوق دي بحيث أضمن إكتمال تسجيل كل المطلوب بالسجل الطبي
ونظام لتوليد رسائل تثقيف صحي مخصصة لتفاصيل كل حالة، عشان تترسل للمريض مع شرح لوضعه وفحوصاته
وبكده تكون (الرسالة والرؤية) بتاعت العيادات ما مجرد كلام إنشائي بدون آليات عملية لتطبيقه
عسى ننجح في تقديم النموذج المختلف والتميز اللي بنسعى ليهو 🙏