القسم الأول: نعرف بشرة وشنا (١٣ من ١٣) - وشك بكبر معاكي

أم وبنتها واقفات قدام مراية واحدة، البنت مضايقاها لمعة جبهتها والحبوب، والأم حاسّة إن خدودها بقت تشد بعد الغسيل، ما في واحدة فيهن بشرتها «صحية» والتانية بشرتها «تعبانة»، الجلد بتغير مع مراحل العمر، والروتين البيريّحو بتغير معاه

في سن البلوغ، الهرمونات البنسميها الأندروجينات بتزيد نشاط الغدد الدهنية، عشان كده الجبهة والخدود ممكن يلمعوا أكتر، وتظهر الحبوب، وده بوضح انها ما دليل على إن الوش وسخان، والغسيل العنيف ما بحلها؛ ممكن يضيف تهيج اضافي لمشكلة موجودة أصلاً

ومع الحمل، التغيرات الهرمونية ممكن تظهر في شكل كلف على الوش، أو خط داكن في البطن، ومع تمدد الجلد ممكن تظهر تشققات الشقريب، وطبعا ما كل حامل حتشوف الحاجات دي، بس ظهورها معناه إنها أهملت بشرتها، كمان هنا الروتين بحتاج مراجعة، خاصة لو فيهو علاج للحبوب أو التصبغ، الريتينويدات (retinoids)، مثلاً، ما بتُستعمل أثناء الحمل، بينما الغسول اللطيف والترطيب والحماية من الشمس بتظل أساس مستمر

وحول انقطاع الدورة وبعدو، انخفاض الإستروجين بيصاحب تغيرات في الجلد: ممكن يقل الزهم، وتزيد الشكوى من الجفاف والشد، وتتغير مرونة الجلد تدريجياً، الشمس والعمر والعناية السابقة كلها بتشارك في الصورة؛ ما بنقرأ كل تجعيدة كأنها تحليل هرمونات

عشان كده لو غسول كان مناسب ليك زمان وبقى ينشف وشك أسي، ما لازم تتمسكي بيهو لأنه «مناسب لنوع بشرتك»، راقبي الشد واللمعة والتهيج، وعدّلي شدة التنظيف والترطيب حسب احتياجك الحالي، نفس الحواشة بتحتاج ري مختلف مع تغير الموسم

ومن هنا بنصل للسؤال الجاي: نوع البشرة المكتوب على العلبة، هل فعلاً بختصر كل الحكاية؟

⚕️ هذا المحتوى للتثقيف الصحي العام ولا يغني عن الاستشارة الطبية. لحالتك الخاصة يمكنك حجز استشارة بالعيادة.
استشارة عبر واتسابتابعنا على تلغرام