النفاق العالمي في جدري القرود
في ال ٥ اشهر الماضية أصاب جدري القرود ١٢٣٨ شخص في الكونغو (كعادته من عقود طويلة) واتوفى منهم ٥٧ شخص، وما في زول كان سامع بيهو
وفي الاسبوع الفات اصاب اقل من ١٠٠ شخص في اوروبا من غير وفيات ، فخوف الإعلام كل العالم من وباء محتمل!
جدري القرود ما ممكن يكون كورونا جديدة، لكنو بعكس نفس النفاق في قيمة الحياة البشرية بين قطاعات العالم! وحتى الجائحة اللي لسه بتفتك بالبلدان الافريقية غير المطعمة، تراجعت اخبارها للخلفية بمجرد تطعيم العالم الاول لغالبية سكانه وسيطرتو على الانتشار
للخايفين من جدري القرود في السودان :
مفاجأة، انتو في أفريقيا من تم اكتشاف المرض في ١٩٧٠، ولو حتكونوا في خطر فإنتو فيهو من بدري اصلا، والاهم من ده، الكورونا في ولاية الجزيرة قتلت اكتر من ٢٠٠ مريض في الشهور القليلة الماضية حسب إحصاءات وزارة الصحة، فلو ناقصكم خوف، خافوا منها هي أولى 🤷
حالات أوروبا حتكون غالبا مجرد بؤرة عدوى بمجتمع المثليين انتشرت بسرعه، وحتتم السيطرة عليها عاجلا ام آجلا، الموضوع ما بستحق يتحول لذعر جديد
