حول إشاعة عن دراسة تتنبأ بجدري القرود
في بدايات الكورونا كان الزول بتعب عشان يقنع الناس انو الحكاية دي خطيرة لان الإمكان الوبائي بتاعها عالي وما في مناعه منها وما في ادوية ليها وانتشارها بتم قبال ظهور المرض بحيث يكون احتوائها صعب للغاية
أسي مع جدري القرود بدت ظاهرة عكسية 🤣 انو كيف تقنع الناس انو عكس الكورونا تماما؛ عندو لقاح وعلاجات وانتشارو بطيء وأي زول متطعم ضد الجدري (الاجيال الكبيرة بالذات) عندو درجة كويسه من المناعه وانو بعادي بعد ظهور المرض بحيث يمكن احتوائه بسهولة نسبيا
مثلا الاشاعه دي مزعجة لان الناس ما بتقرأ الروابط اللي بتتناقلها كإثبات، فالدراسة هي مجرد سيناريو خيالي عن مجموعة ارهابية بتهندس فيروس جدري القرود جينيا بحيث تغير من خصائصه ويفلت منها متسببا في وباء عالمي، وكيف ممكن العالم يتحضر لاحتمال خيالي زي ده
يعني لا تنبؤ عن جدري القرود ولا بتنطبق على الحالات البسيطة الظهرت في اوروبا وتم تحليلها جينيا فعلا وكانت من السلالة الغرب افريقيه المعروفة بكونها خفيفة، يعني ما في أي هندسة ولا طفرة في الموضوع، والمرض قديم من ١٩٧٠م
بس يبدو ان البعضيهو الدبيب بخاف من الحبل