كنت ناوي أكتب سلسلة عن اللشمانيا الليلة بعد ظهور بقعة وبائية ليها بالخرطوم كما هو متوقع، كتلخيص للقلتو قبال شهرين عن الاحتمال الكبير ده
فالليلة من الصباح بتلقى في شكاوى بالعيادة الاون لاين لمرضى لشمانيا جديدة، ذكرني الامر بمفهوم التزامن عند عالم النفس كارل يونغ، لما تحصل مصادفات بين تفكيرك ونواياك وبين الأحداث
ومع انو مفهوم يساء فهمه بشدة وكتير من امثلته يمكن تفسيرها بالاحتمال الاحصائي وحيل العقل الباطن (مثلا لما تنوي تشتري عربية جديدة فجأة حتلاحظ ليها بكل مكان وهي اصلا كانت قاعدة لكن عقلك الباطن ما كان شغال بيها)
عموما ده شجعني استعجل احضر السلسلة لمسيس الحاجة للوعي بالوباء الجديد الممكن ده، وهو طبعا متوقع بشدة بظروف الحرب وملابساتها من النزوح والعودة، الاستغراب بس انو ما حصل إلا اسي موش انو حصل ليه، زيو زي الضنك مثلا، كان المنطقي انها تنفجر زي ما حصل