القسم الرابع: خريطة الرف (٦ من ١٠) - عائلات الترطيب التلاتة والتحيّز

لمن اتكلمنا عن الحيطة والمونة في البوست الرابع، شفنا انو الحاجز الجلدي بحتاج لترميم متواصل عشان يحتفظ بالموية ويمنع الجفاف، المرطبات البنستعملها ما بتشتغل كلها بنفس الطريقة، وبتتقسم لتلاتة عائلات أساسية، وكل عائلة عندها وظيفة محددة في صيانة الحيطة

العائلة الأولى هي الشفاطات زي الجلسرين واليوريا والهيالورونيك، ودي بتشتغل زي المغناطيس البسحب الموية ويخليها جوه الطبقة القرنية

العائلة التانية هي المنعمات زي السيراميد وزبدة الشيا، ووظيفتها تملأ الفراغات بين الخلايا القرنية وتلين السطح عشان الوش يرجع لملمسو الطبيعي

والعائلة التالتة هي القوافل وعلى رأسها الفازلين البقفل السطح تماما وبمنع تبخر الموية بنسبة بتصل لتسعة وتسعين بالمية 99%

أي مرطب في السوق غالبا بكون فيهو خليط من العائلات التلاتة دي، بس دايما بكون متحيز لعائلة واحدة مسيطرة بتحدد هويتو، لو المنتج متحيز للشفاطات بكون خفيف ومناسب للري السريع، ولو متحيز للقوافل بكون تقيل ومناسب للحبس القوي

في نقطة مهمة مع الشفاطات في الجو الناشف زي جو السودان والخليج، لأنها بتحتاج موية تسحبها، ولو الرطوبة بره قليلة التضمين المنطقي بقول إنها ممكن تسحب الموية من أعماق الجلد نفسو، ورغم انو الدليل التجريبي على الكلام ده محدود، من الناحية العملية بننصح دايما إنو الشفاطة يجي فوقها غطاء قافل خفيف عشان يحبس الموية البتتسحب دي

تقسيم العائلات وفهم التحيّز مشروح بتفصيل أعمق في سلسلة أسرار الترطيب بمكتبة بيت العافية

وفي الحلقة الجاية حنشوف كيف نختار قوام المرطب المناسب لكل حوض في وشنا وهل البشرة الدهنية محتاجة مرطب أصلا

⚕️ هذا المحتوى للتثقيف الصحي العام ولا يغني عن الاستشارة الطبية. لحالتك الخاصة يمكنك حجز استشارة بالعيادة.
استشارة عبر واتسابتابعنا على تلغرام